சமூக நீதியை மேம்படுத்தவும், தந்தை பெரியாரின் சமூக சமத்துவக் கொள்கையை பரப்பவும், இந்திய சுதந்திர தின பொன்விழா கொண்டாட்டங்களின் ஒரு பகுதியாக பெரியார் நினைவு சமத்துவபுரம் திட்டத்தை தமிழ்நாடு அரசு 1997-98 ஆம் ஆண்டு தொடங்கியது. மாநிலத்தில் 238 சமத்துவபுரங்கள் இரண்டு கட்டங்களில் கட்டப்பட்டன. முதற்கட்டமாக 1997 முதல் 2001 வரை 145 சமத்துவபுரங்களும், இரண்டாம் கட்டத்தில் 93 சமத்துவபுரங்களும் அமைக்கப்பட்டன.

“ஏற்றத்தாழ்வை இடித்து, சமூகத்தை சமப்படுத்த போராடிய தந்தை பெரியார் பெயரால் 240 சமத்துவபுரங்களை கட்டினார் முத்தமிழறிஞர் தலைவர் கலைஞர் அவர்கள், அந்த சமத்துவபுரங்கள் சரியாக பராமரிக்கப்படாத அவல நிலையில் இப்போது இருக்கின்றன. அந்த சமத்துவபுரங்கள் உடனடியாக சீரமைக்கப்படும். அதுமட்டுமல்ல, தமிழகத்தில் மேலும் புதிய சமத்துவபுரங்கள் அமைக்கப்படும்.

2023-24 ஆம் ஆண்டில் பெரியார் நினைவு சமத்துவபுரம் திட்டத்தின் கீழ் 8 புதிய சமத்துவபுரங்கள் கட்ட அரசு ஆணை பிறப்பித்துள்ளது.

சமத்துவபுரம் 9-10 ஏக்கர் நிலப்பரப்பில் வழிகாட்டுதல்களைப் பின்பற்றி அமைக்கப்படுகிறது. ஒவ்வொரு சமத்துவபுரமும் 100 வீடுகள் (300 சதுர அடி கட்டடப் பரப்பு கொண்ட ஒவ்வொரு வீடு), பொது உட்கட்டமைப்பு அதாவது சாலைகள், வளைவுகள், பெரியார் சிலை, குடிநீர் பணிகள், தெரு விளக்குகள் மற்றும் இதர அடிப்படைக் கட்டமைப்புகளான பொது விநியோகக் கடை, மண்டபம், நூலக கட்டடம், பள்ளிக் கட்டடம், பள்ளிக் கழிப்பறை, அங்கன்வாடி, விளையாட்டு மைதானம், பூங்கா.